Being a Spiritualist does not mean you shouldn’t live a normal life.

KUWA MWALIMU WA KIROHO HAKUMAANISHI KWAMBA NIMEACHA KUWA BINADAMU

Kuwa mtu wa kiroho hakumaanishi kwamba sitakiwi kuishi maisha ya kawaida.Watu wana matarajio makubwa sana kwa mtu wanayemwona kama mwalimu wa kiroho.

Wanategemea niwe kwenye hali ya kiroho kila wakati, niwe nikizungumza kuhusu nguvu za kiroho muda wote, nivae kwa namna fulani, niongee kwa namna fulani, niwe mpole kila wakati, nisiwe mkali, nisioneshe sana hisia zangu na wakati mwingine hata nisiwe na hisia ambazo ni za kawaida kwa mwanadamu.

Wengine wamejenga picha kwamba mtu wa kiroho anapaswa kuwa kama mtu asiye na makosa.

Kana kwamba sipaswi kukasirika.

Sipaswi kucheka sana.

Sipaswi kufurahia maisha.

Sipaswi kuvutiwa na mtu.

Sipaswi kuwa na hisia za kimapenzi.

Sipaswi kwenda sehemu za starehe.

Sipaswi kuvaa ninachopenda.Sipaswi kufanya mambo ambayo wao wanayaona kuwa “hayalingani na mtu wa kiroho.”

Lakini ukweli ni huu:

Mimi ni binadamu.

Kuwa mwalimu wa kiroho hakujafuta utu wangu.

Mimi bado nina hisia.

Nina furaha.

Nina huzuni.

Nina hasira.

Ninacheka.

Ninapenda muziki.

Ninaweza kufurahia maisha.

Ninaweza kuvutiwa na mtu.

Ninaweza kuchoka.

Ninaweza kukosea.Na ninaweza kuwa na siku ambazo sitaki kuzungumza kuhusu mambo ya kiroho kabisa.

Na hakuna kati ya hayo yanayofuta safari yangu ya kiroho.Wakati mwingine watu wanaponiona nikiwa nje, nikifurahia maisha, wanashangaa.“Lakini wewe si mwalimu wa kiroho?”Ndiyo, mimi ni mwalimu wa kiroho.

Lakini mimi si malaika.Sijawahi kusema kwamba mimi ni mkamilifu, wala sijawahi kujenga maisha yangu kwa kujifanya sina udhaifu.Ninaishi maisha yangu kama mwanadamu huku nikitembea katika njia yangu ya kiroho.

Na kuna tofauti kubwa kati ya kuwa mtu wa kiroho na kuigiza utakatifu ili watu wakuone kuwa wa kiroho.Mimi sihitaji kuigiza.

Nikifundisha, ninafundisha kile ninachojua na ninachokiamini.Nikifanya kazi yangu ya kiroho, ninaifanya kwa moyo wangu wote.

Ninapozungumza na watu kuhusu safari zao, ninawasaidia kwa uelewa nilionao.Lakini baada ya hapo, mimi bado ni Mwaka.Nina maisha yangu.

Nina utu wangu.Nina personality yangu.Nina vitu ninavyovipenda.Nina vitu nisivyovipenda.Nina mipaka yangu.Nina hisia zangu.

.hbSiwezi kuishi maisha yangu yote nikifanya “spiritual performance” kwa sababu tu watu wameunda picha fulani kuhusu mimi.Kuwa spiritualist hakumaanishi nimeacha kuwa binadamu.

Na sitaki watu waniheshimu kwa sababu tu wameniona kama mtu asiye na makosa.

Nataka kile ninachofundisha kiheshimiwe kwa sababu kina maana kwako, kinakusaidia kufikiri, kujitambua na kukua.

Kama unahitaji nionekane mkamilifu kwanza ndipo ukubali kile ninachofundisha, basi huenda hukuvutiwa na mafundisho yangu.Huenda ulivutiwa na picha uliyoijenga kuhusu mwalimu wako.Mimi si huyo mtu mkamilifu uliyeniumbia kichwani.

Mimi ni binadamu ninayetembea katika njia ya kiroho.Ndiyo, ninafundisha mambo ya kiroho.Ndiyo, nafanya kazi za kiroho.Ndiyo, ninaishi kwa misingi ninayoamini.Lakini pia nitacheka.Nitafurahia maisha.Nitacheza.

Nitashirikiana na watu.Nitavaa ninachopenda.Nitakuwa na siku zangu za kawaida.Na wakati mwingine nitafanya mambo ambayo huenda hukutarajia mtu wa kiroho kufanya.Na hilo halinifanyi kuwa fake.

Linanikumbusha tu kwamba mimi ni mwanadamu.Kwa hiyo usiniweke kwenye pedestal ambayo sikuwahi kuomba niwekwe.Usinifanye kuwa malaika kwa sababu tu nimekufundisha kuhusu ulimwengu wa kiroho.Usinilazimishe kuishi kwa picha uliyonitengenezea.

Mimi ni Dr. Mwaka.Mwalimu wa kiroho.Mwanadamu.Na bado ninajifunza, ninakua na ninaishi.

Na ndio…

SIWEZI KUACHA KUWA BINADAMU ILI NITHIBITISHE KWAMBA MIMI NI WA KIROHO. ✨

Leave a Comment

Your email address will not be published. Required fields are marked *

Scroll to Top